我失蹤左咁耐，我諗我都應該交帶一下我做緊d乜。我依家已經唔係香港生活，其實都有一段時間。我同其他人一樣，有責任要付，當責任迫到埋身既時候，好多時候你沒有選擇，只能取捨。你聽得明既，可以比過High Five我，聽唔明既，請繼續活在當下吧。我咁耐無出片，有人問我係咪已經放棄左YouTube。我只能講我只有放低，但係沒有棄掉。人生有唔同階段，當你去到某一個階段，好難返轉頭行返條舊路，縱使條舊路係精彩，係刺激。有一件事我唔想接受，但係不得不接受, 就係我對Eminleo 呢個名字，已經開始感到佰生，我對YouTube都感到佰生。其實我好早已經決定要淡出YouTube, 但係一直無機會去正式宣告。正如我的出現是沒有計劃過一樣，我既消失都應該唔使好好安排，我稱之為好頭好尾。其實我一直都想好多謝留意過Eminleo既所有朋友，你地為我本來平平無奇既人生，帶黎一段色彩，呢段時光我呢世都唔會忘記。我無以為
報，只能講一句-謝謝。
口水太多，不如直接結論：Eminleo呢個channel會停止一段時間。但係正如我之前所講，我只係放低，沒有棄掉。我既工作，我既創作，將會以另外一種形態去繼續，希望各位有一日大家會感受到。
我會努力，請各位也努力。
另一個失眠的晚上-Leo
Search